ڕێكخراوی مرۆڤدۆستانی كوردستان " RMK / ڕمك " ساڵی 2003 له‌ شاری ئۆرێبرو دامه‌زرا

بۆ مرۆڤدۆستایه‌تی له‌ كوردستان كار ده‌كات

به‌ پێی بنچینه‌ی په‌یماننامه‌ی UN

شه‌ڕ و نائارامیی سیاسی، نه‌خوێنده‌واری و هه‌ژاری خه‌ڵكی كوردستانیان دووچاری سه‌رگه‌ردانیی سه‌خت كردووه. بۆ نموونه‌: خه‌ڵكانی په‌ككه‌وته‌ و زۆره‌ها منداڵی بێ دایك و باوك ناچاری كاری سه‌ختن بۆ دابینكردنی ژیانی خۆیان و خێزانیان. كوردستان له‌ ئه‌نجامی چه‌ندین ساڵ شه‌ڕ و پێكدادان، چه‌ندین ساڵیشی ده‌وێ بۆ بنیاتنانه‌وه‌.

ڕمك ساڵی 2003 له‌ ئۆرێبرۆ دامه‌زرا بۆ ئه‌وه‌ی پشتیوانی له‌و مرۆڤانه‌ بكات. كاره‌كان له‌ به‌هاری 2003 وه‌ له‌ پاش بڕیاردان له‌سه‌ر پێشنیاره‌كه‌، ده‌ستیان به‌ جێبه‌جێكردن كرد.

وا ده‌رده‌كه‌وێ كه‌ مرۆڤدۆستانی زۆر ده‌یانه‌وێ پشتگیریی پێشنیاره‌كه‌ بكه‌ن.

ئێمه‌ هیوادارین خه‌ڵكانێكی زۆر چالاكانه‌ و خۆویستانه‌ له‌گه‌ڵمان به‌شدار بن بۆ یارمه‌تیدانی ئه‌و مرۆڤانه‌.

بواری كار

• یارمه‌تیدانی كه‌مئه‌ندام، منداڵ، ژن و نه‌دارانی تر.
• كاركردن بۆ په‌ره‌پێدانی دیمۆكراتی، مرۆڤدۆستایه‌تی و مافه‌كانی هاونیشتیمانییه‌تی

ڕمك

• چالاكی ئه‌نجام ده‌دات بۆ ئه‌وه‌ی پشتیوانی له‌ كه‌مئه‌ندام، منداڵ، ژن و نه‌دارانی تر بكات كه‌ پێویستی یارمه‌تین.
• پرۆژه‌ی له‌ ناوچه‌ جیاجیاكانی كوردستان بكاته‌وه‌.
• هاوكاری له‌گه‌ڵ ڕێكخراوه‌ دیمۆكراته‌كانی تردا ده‌كات بۆ ئه‌وه‌ی گه‌شه‌ به‌ پێشكه‌وتنی كۆمه‌لآیه‌تی بدات. ئامانجی پڕۆژه‌كه‌ گه‌شه‌پێدانی لایه‌نی كۆمه‌ڵگه‌ی مه‌ده‌نییه‌ له‌ كوردستان به‌ په‌خشی زانیاری ده‌رباره‌ی لایه‌نه‌ به‌هاكانی مرۆڤ، یه‌كسانی، مافی كه‌مئه‌ندامان و ژنانی كوردستان.

ڕمك كار ده‌كات بۆ:

• یارمه‌تیدانی كه‌مئه‌ندامان و خه‌ڵكانی تر كه‌ پێویست به‌ یارمه‌تین.
• كه‌مكردنه‌وه‌ی نه‌خوێنده‌واری.
• به‌رزكردنه‌وه‌ی ئاستی فێركاری.
• پته‌وكردنی هه‌وڵدان بۆ دیمۆكراتی و دادپه‌روه‌ری.