په‌یڕه‌و و پڕۆگرامی ڕێكخراوی مرۆڤدۆستانی كوردستان ڕمك

پ1. ناوی ڕێكخراو
܀ ڕێكخراوی مرۆڤدۆستانی كوردستان (ڕمك)

پ2. تایبه‌تمه‌ندیی ڕێكخراو
܀ ڕێكخراوێكی مرۆڤدۆستانه‌ی دیمۆكرات و سه‌ربه‌خۆیه‌. له‌ ڕووی سیاسی و دینییه‌وه‌ بێلایه‌نه‌

پ3. زه‌مینه‌ی كار
UN ܀ كاری مرۆڤدۆستانه‌ له‌ كوردستان و جیهان له‌سه‌ر بنچینه‌ی په‌یماننامه‌ی

پ4. بنكه‌ی ڕێكخراو
܀ ئۆرێبرو – سوێد

پ5. شێوازی كار
܀ ڕێكخستنی سیسته‌مێك بۆ یارمه‌تیی كه‌مئه‌ندامانی هه‌ژار، منداڵ، ژن و مرۆڤی تر له‌ كوردستان
܀ به‌ڕێوه‌بردنی پڕۆژه‌ی تایبه‌ت كه‌ له‌ به‌رژه‌وه‌ندیی خه‌ڵكی كوردستاندا بێت

پ.6. ئه‌ركی ڕێكخراو
܀ كاركردن بۆ ڕاگه‌یاندنی په‌یامی ڕمك و داهێنانی لایه‌نی چاكه‌ له‌ ناوه‌وه‌ و ده‌ره‌وه‌ی كوردستاندا

پ.7. ئه‌ندامێتی و نرخی ئه‌ندامێتی/ساڵانه‌
܀ ئه‌ندامێتی كراوه‌یه‌ بۆ هه‌موو ئه‌و كه‌سانه‌ی ده‌یانه‌وێ پشتیوانی ئامانجی ڕێكخراوه‌كه‌ بكه‌ن و له‌ ڕێگه‌ی "ڕمك"ه‌وه‌ یارمه‌تیی خه‌ڵكی كوردستان بده‌ن
܀ هه‌موو ئه‌ندامێك بۆی هه‌یه‌ له‌ كۆبوونه‌وه‌كاندا به‌شدار بێت
܀ نرخی ئه‌ندامێتی/سالآنه‌: 150 كرۆنی سوێدییه‌

پ.8. پێكهاتی ڕمك
܀ ده‌سته‌ی به‌ڕێوه‌به‌ر به‌رپرسه‌ به‌ پێی په‌یڕه‌و و پڕۆگرام كار بكات بۆ چه‌سپاندنی ئامانجی ڕمك

پ.9. كۆبوونه‌وه‌ی سالآنه‌
܀ كۆبوونه‌وه‌ی سالآنه‌ گه‌وره‌ترین ده‌سه‌لآتی "ڕمك"ه‌. ساڵی جارێك ده‌به‌سترێت و له‌ كاتی پێویستدا زیاتر
܀ كۆبوونه‌وه‌ی سالآنه‌ له‌ ئه‌ندامان و ده‌سته‌ی به‌ڕێوه‌به‌ر و ده‌سته‌ی چاودێر پێك دێت
܀ بانگهێشتن و ڕۆژسازی كاره‌كانی تری كۆبوونه‌وه‌، ده‌بێ سێ هه‌فته‌ پێشتر به‌ ئه‌ندامان بگه‌یه‌نرێ
܀ هه‌موو ئه‌و ئه‌ندامانه‌ی نرخی ئه‌ندامێتییان داوه‌ مافی ده‌نگدانیان له‌ كۆبوونه‌وه‌ی سالآنه‌دا هه‌یه‌
܀ كۆبوونه‌وه‌ی سالآنه‌ كۆنترۆڵی كاره‌كانی ساڵی پێشوو ده‌كات. ده‌سته‌یه‌كی نوێی به‌ڕێوه‌به‌ر و چاودێر بۆ ساڵی داهاتوو هه‌ڵده‌بژێرێ
܀ كۆبوونه‌وه‌ی سالآنه‌ مافی ئه‌وه‌ی هه‌یه‌ ده‌ستكاری په‌یڕه‌و و پڕۆگرامی ڕمك بكات

پ.10. كۆبوونه‌وه‌ی نائاساییی ساڵانه‌
܀ ئه‌گه‌ر چاودێر یاخود 1/3ی ئه‌ندامان داوا بكه‌ن، كۆبوونه‌وه‌ی نائاساییی سالآنه‌ ده‌به‌سترێ